冤家「三部曲」第1章 香港飛馬火併佳聯元朗

今仗元朗主教練郭嘉諾歸隊督師，他透露除了葉子俊仍在養傷外，主力杜馬思亦要避戰︰「杜馬思喺對理文場波完場後同球證嘈交，攞咗一面黃牌導致停賽，呢樣唔係我哋球隊要嘅嘢，所以教練團同球會開會後，決定向佢作內部處分，罰錢及停練一星期，同埋內部停賽一場。」不過，郭Sir指元朗大部份人腳都準備好，有信心打破「格食格」的局面。

另邊廂，香港飛馬早前趁國際賽空檔，與東方龍獅進行友賽，並以4比3擊敗對手，主教練陳浩然稱滿意球員表現：「嗰場波第一，希望球員可以Keep住比賽狀態；第二就係我哋喺練波做咗嘅嘢，想睇下喺比賽做唔做到。球隊無論防守、進攻都做到練波上嘅嘢。」新加盟前鋒基奧亦已完成註冊，可隨時上陣，而中場胡晉銘因早前代表香港U23到蒙古作賽，今仗或會避戰。