上季3料香港足球先生盧比度Chok樣同陳奐仁賣廣告！傑志嘅盧比度同隊長盧均宜接咗一個鬚刨廣告，盧比度做主角，要同陳奐仁交手，其中一句用廣告話講嘅「我識聽廣東話」成為笑點，廣告喺網上熱播。
廣告係指陳奐仁入到更衣室想邀請盧比度試吓新鬚刨，盧比度開頭唔肯，但見到均宜用完之後練成「猛虎射球」，就改變初衷願意一試。廣告融合咗漫畫，加上陳奐仁同盧比度講廣東話都唔正，所以好多球迷睇完都話好搞笑。呢個廣告只係首部曲，廣告預告有第2部分，將會喺9月2日首播，到時應該會睇到盧比度剃鬚個樣。
另一位傑志小將，外借到港菁嘅曾至孝最近亦成為某安全套品牌宣傳海報（右圖）上的主角，此事亦在討論區瘋傳。曾至孝表示佢一直都有做兼職Model，而稍後仲有一個八達通廣告會出街。