女神和仔齊撐東網直播

東網女神Kammy同Fiona,昨午喺旺角場上演嘅香港對緬甸,首次到場同球迷見面!兩位靚女大派餅乾同《東方波經》,即場教球迷download東網apps,前足球先生李健和都嚟埋,同球迷一齊撐自己人丶撐香港隊,同埋撐港超聯!

東網今季直播港超聯,昨日更為廣大球迷直播香港對緬甸嘅世盃熱身賽,賽事吸引5247人入場觀戰,場面非常熱鬧,Kammy同Fiona兩位女神把握機會,向球迷介紹同宣傳東網,Kammy笑說:「今日同班球迷接觸,發覺東網喺佢哋之間已經好流行,好多人都已經download咗,真係好多謝咁多球迷支持。」

Fiona細心教老友記上網

至於Fiona亦好細心,有老友記唔識上網睇波,就教佢點download東網apps,詳細講解點先可以睇到直播,令球迷好滿意。

當兩位靚女落力推廣東網,為香港對緬甸擔任評述員嘅前香港足球先生李健和亦現身支持,吸引大批球迷圍觀,爭相合照,「和仔」話:「最重要係大家撐自己人丶撐香港隊同埋撐港超聯,咁就要黐住東網喇。」