晨曦元老隊強陣會球迷

「大頭仔」胡國雄出身於卜公，球會四十周年會慶點少得佢，雖然胡國雄並冇落場，但仍代表卜公致送紀念品予各界好友，同麥花臣球迷打招呼。

南華元老偉哥領軍

晨曦元老隊陣容鼎盛，落場球員計有陳百祥、譚兆偉、招重文等，南華元老隊方面就由「偉哥」黃文偉領軍，與卜公元老隊展開連場激戰，為現場數百球迷提供免費娛樂。卜公元老隊成員之一嘅鄧錦添表示，大會特別為今次活動趕製一批卜公球衣，雖然並唔係昔日傳統嘅藍白色，而係綠色，但一班舊隊友有機會重聚踢波，實在非常難得。

「阿叻」（橙衫）打雨戰似乎特別醒神。	雖然昨午落大雨，但無損球迷熱情，麥花臣爆晒棚。	「偉哥」黃文偉（右）為南華元老披甲鬥卜公，寶刀未老。