政情：畢東尼仲未返港 竟現身議辦

係就係喺議辦見到佢，之不過只係視像會面啫！尋日首日「發市」，佢喺社交平台貼文，仲話要預約o架，否則未必安排到喎。

網民斥遺下麗晶人

老實講，畢東尼滯留英國兩個多月，一月底佢喺社交平台貼文，話收到航空公司通知，回港航班再度被取消，已經係第5次被取消航班，而航空公司能提供最早嘅航班係3月1日，仲話若果計埋要隔離21日，佢最快要3月22日先返到麗晶。

尋日就係3月1日，但佢只係話推出視像會面，冇提過係咪如期飛返香港，唔知係咪又有阻滯呢？其實，佢喺1月中旬交代返港航班4度取消時，仲話好心急想返港，但有網民留言話政府遺下在英港人，而畢東尼就遺下麗晶人，另有網民仲話佢唔返嚟都冇所謂，不如索性移民咁話。