政情：公民講場：通關無期 叫港青北上搵工 羅致光講就輕鬆

疫情衝擊就業巿場，年輕人一旦從校園畢業，隨時會成為失業大軍。為紓緩年輕人嘅就業問題，政府打算推出計劃，籲港大學畢業生北上就業，仲保證話政府津貼之下，計劃所提供嘅職位薪酬都屆合理水平。不過有心水清嘅議員指出，計劃都唔知幾時至可以落實，事關疫情下中港兩地都未通關呀！依家好多升斗巿民都陷於水深火熱，勞工及福利局局長羅致光不如諗吓，點樣為失業人士提供及時嘅支援仲好喇。