政情：陳李詠詩食減肥藥防醉酒

讀品酒課程 邁向大師級

陳李詠詩就咁開始接觸紅酒世界，白酒、香檳、雪梨酒等，依家仲喺上環讀緊品酒師課程，讀到第三年Diploma，之後就係Master，而全世界得不足三百人有Master證書。至於課程方面都好全面，要讀風土、品種、泥土、葡萄藤根嘅特性，仲有釀酒、儲酒、開酒等等，而酒杯選擇都係一個大學問，認真高深。

陳太又提到，因為學品酒緣故，自己酒量都有提升，因為每次上堂都起碼要品八款酒，每款五十毫升，基本上每堂就要飲一支喇。佢透露有個小秘訣會冇咁易醉，話有啲減肥產品可以先包住個胃，阻礙酒精吸收，防止醉酒，仲講笑話試過幫男士頂酒，大家都醉醺醺咁，佢就冇咩事。不過，呢啲減肥產品都係因人而異，大家唔好亂食呀！