政情：被冒名製港獨海報 踩紅線區議員喊冤

西貢區議員張偉超（Alex）尋日喺社交網站發文，分享新一年收到份厚禮，原來佢今朝返辦事處嗰陣，發現壁報板上多咗幾張來歷不明嘅海報。海報上唔單止寫有「光復香港、時代革命」等港獨口號，仲寫住「熱烈歡迎美國強力制裁違反人權的中國共產黨及香港官員」，睇嚟大踩《港區國安法》嘅紅線喎。

Alex話睇得出製作者好用心研究佢哋以往嘅單張，盡量還原設計，但係有啲文字就同圖片重疊，似乎唔係好專業喇，Alex強調並唔係由佢或者職員製作有關海報。仲話雖然對方冇乜美術天分，但如果咁鍾意幫佢出海報嘅話，都歡迎佢幫手一齊諗吓製作工作報告咁話喎。