政情：有相為證：葉建源：交還立會辦公室 斷捨離最大考驗
民主派議員早前總辭，辭職喺今個月1日生效，議員需要喺14日內交還立法會大樓辦公室，教育界前議員葉建源（葉Sir）尋日喺社交平台上載相片，見佢坐咗喺地下，前面仲放咗啲文件同杯咁，佢仲形容收拾辦公室係「斷捨離最大考驗」，話有好多具紀念價值嘅物品都因為冇辦法搵到地方容納而被迫棄置。
部分書本文件被迫丟棄
葉Sir話將會喺今個月月中交還辦公室，呢排都忙緊總辭後嘅善後工作，而收拾辦公室係其中之一，佢話辦公室最多嘅物品係書同文件，大部分都同議會工作有關，好彩嘅係有部分有電子版本，但有部分最後都逃唔過要被丟棄嘅結局。