民主派近日大舉冧友，有意攻佔多個附屬法例小組委員會嘅正、副主席。好似喺尋日嘅有關預防及控制疾病嘅附屬法例小組委員會會議上，民主派議員李國麟同黃碧雲喺無爭議聲下當選正、副主席，建制派議員蔣麗芸雖然被提名但被擊敗。有呢個結果並非因為建制派甩轆喎，而係人哋一早表明呢啲附屬法例小組委員會嘅議題冇乜爭議性，覺得冇必要浪費時間陪玩消耗戰啫！不過需要安排大量人手準備小組委員會會議嘅立法會秘書處，同埋一班被要求出席會議嘅官員就走唔甩喇！
