羅俊仁抓緊青春尾巴

羅俊仁小學4年級初次接觸足球，直到16歲才參加區隊和青年軍，接受正規訓練，僅1年便因在觀塘U17表現出色，繼而加盟灣仔南華。可惜之後際遇一般，上季約滿理文後，羅俊仁更因骨折而接受手術，需要休息至少一個月，原本希望到夢想FC休養，但球隊隨後宣布自降甲組，嚴重打亂自己部署，更因擔心找不到球會落班，萌生放棄足球的念頭，幸好晉峰總教練何信賢願意給予他機會：「自己其實同『何sir』唔算好熟，唔似其他球員由細跟到佢大，所以都好感謝佢。」

趁後生踢到就踢

疫情期間由於球場全部關閉，球季進入停擺期，羅俊仁被迫找兼職幫補。惟「阿仁」表示並沒有讓工作影響自己狀態：「專登搵啲返早嘅工，逼自己早睡早起，另外唔會搵搬重嘢嘅工作，始終唔想整親，放工後都會同朋友跑下步、做下gym。」「阿仁」表示暫時還未想「打工」，每次當對足球感到心灰意冷時，就不斷提醒自己要趁年輕做喜愛的事情：「後生梗係踢到就踢啦，即係你唔會3、40歲先嚟踢波，依個亦係我重燃足球夢嘅動力。」

「阿仁」雖擁有多年征戰超聯經驗，惟他未敢「認叻」，直言要做到像外援靠一己之力，帶領球隊基本上是沒有可能。今季在球隊的角色，都是與隊友維持好朋友關係，始終年齡僅相差3、4年。相反他表示自己在球場上，則比較嚴肅和認真：「由於大部分球員較靜，我會偏向多啲講野，同盡量大聲提點，有時脾氣可能會稍為暴燥，不過大家後生仔，佢哋都諒解，希望可以加強球隊之間嘅溝通。」

盼踢出獨特風格

晉峰暫時於「菁英盃」仍未打開勝利之門，「阿仁」坦言球隊雖落敗，但表現並非太差，期望一眾小將能夠透過「菁英盃」，了解自身的不足和累積經驗：「甲組同港超聯節奏唔同，加上球員身高方面有輸蝕，我都同佢哋講咗冇得驚，有咩事都要照上，盡量唔好輸太多角球。」展望新球季，「阿仁」期望球隊能夠踢出獨特風格，即使輸亦不要大敗，令更多人留意晉峰這支新球隊。

圖／文：李浚湣