依家隨時可能爆發第四波疫情，但有考試場地尋日竟然有逾千名考生同家長逼喺門口等入場考試，家長鬧爆考評局安排差，恐有播疫風險，而考評局就話因為工作人員要檢查文件，而學生都要搵文件需時，但下次會提早畀考生入試場喎。話時話，考場應該早就做好安排，亦預先知道要檢查文件，呢啲都係考評局慣常嘅工作，唔係疫情未受控就放鬆手腳呀？抑或考評局秘書長蘇國生未瞓醒呀？
