政情：延任民調結果若相近 民研：泛民自行決定去留

香港民意研究所副行政總裁鍾劍華話，有關民意調查門檻仲未有定案，需要再同民主黨商討，但如果結果意見相近，或者喺調查嘅誤差範圍之內，民主派政黨無可避免都係要作出取捨。

研究所主席鍾庭耀就話，民意調查嘅門檻建議書已經交咗畀民主黨，希望民主派議員自行決定門檻要求。佢又話「民意參照」同「民意授權」有差別，就算民意調查出咗結果，都只係「權宜之計」，到最後都係議員自己決定去留問題喎。講到咁，即係無論有乜結果都好，民主派自己搞掂，唔好賴落民研身上。