政情：反對派堅持要如期選舉 陳健波斥太自私

對於民主派極力反對延遲選舉，波哥認為有三個原因，首先，起碼有四十至五十萬有投票權嘅香港人依家滯留國內或者海外，而呢批人估計多數支持建制派，都唔會明知要來回隔離二十八日都返嚟投票，佢又指建制派支持者五十歲以上比例較多，疫情咁嚴重肯定好多長者都唔願意冒險出嚟排隊投票。

罔顧市民染疫風險

波哥話反對派自視贏面大，堅持要如期選舉，竟然要市民冒着感染嘅風險去投票，實在太自私同太離譜。

另外，舊年嘅區議會選舉暴露咗好多選舉環節嘅落後，但到依家乜都無改善，波哥話對出術嘅人嚟講係最有利嘅。咦，唔知波哥暗示邊啲人呢？

波哥直指政府應該把握好呢一年嘅時間，搞好電子投票系統、封殺所有出術手段、消除投票障礙，確保香港有一個真正公平公正嘅選舉囉！