櫻田茉央 夢想進軍荷里活

「做人如果冇夢想,同條鹹魚有咩分別?」呢句對白的確係發人深省,咁大家又有冇夢想呢?有冇以行動去實現夢想呢?假如你仲係畀種種藉口拖住後腿,不妨參考櫻田茉央嘅故事,睇吓呢位日本寫真界超新星點樣一步一步向理想邁進吧!

又靚又親切

有句話叫「寧欺白鬚公,莫欺少年窮!」筆者覺得啱一半唔啱一半,長輩係要尊重,欺負老人家冇理由係啱,但係莫欺少年窮絕對冇錯!因為年輕人有青春又有活力,未來嘅發展有着無限可能性,千祈唔可以睇小。喺日本寫真界,就有位大波妹擁有無限潛力,佢就係櫻田茉央!現年22歲嘅茉央,擁有一副「王道派」美貌,氣質同今野杏南、原幹惠呢兩位寫真天后有幾分相似,予人一份親切感。講到身材,阿妹亦拍得住兩位巨乳系前輩,據官方資料顯示,佢嘅上圍有34F,而且大得嚟夠挺,淨係睇相都Feel到佢雙巨乳係幾咁彈手。

姊系超新星

茉央喺一次訪問中曾經提及,細細個已經夢想加入藝能界,升上高中後,更膽粗粗瞞住父母去藝能事務所試鏡,但試咗幾次鏡都係失敗收場,後來仲被父母發現兼鬧咗一餐。不過,阿妹未有放棄做藝人嘅念頭,之後參加咗選美活動「Miss Magazine 2019」,最終憑出色表現同驕人身材,順利奪得「審查員特別獎」,並成功殺入寫真界,贏得「姊系之超新星」綽號!茉央表示,拍寫真只係第一步,未來目標係當演員,又話自己好鍾意睇西片《神探俏嬌娃》,希望有機會進軍荷里活拍攝同類型電影。雖然要實現呢個夢想係有啲難度,但有志者事竟成,阿妹,努力呀!

社交網站

目標清晰嘅櫻田茉央,好識得利用社交網嚟自我宣傳,經常上載自己嘅性感寫真騷哥利,大家想睇好波,就要多啲Click入去喇!

網址:https://twitter.com/sakurada_mao_

櫻田茉央

年齡:22歲

身高:5呎2吋

三圍:34-24-35

撰文:賢