政情:六大宗教領袖為港疫情祈願

本港面對新冠肺炎疫情第三波衝擊,香港六名宗教領袖向社會送上祝福,祈願市民面對困局時,內心能保持安寧,又呼籲市民注意個人衞生,希望疫情盡快消退,疫苗研發成功,經濟回復原狀。

對市民作出四點呼籲

六名宗教領袖包括佛教聯合會會長寬運法師、天主教香港教區宗座署理湯漢樞機、孔教學院院長湯恩佳、中華回教博愛社主席薩智生、香港基督教協進會主席蘇成溢及香港道教聯合會主席梁德華。

佢哋對市民作出四點呼籲,包括希望公眾配合政府同專家嘅勸告,注意個人衞生、保持環境清潔、減少外出交流、避免人群聚集;建議市民可多關心親友,向弱勢社群,特別係長者同貧困人士提供幫助,如有需要協助亦可轉介畀救助組織;佢哋又提醒市民要關注身心健康,恒持堅定信念,穩舒心靈安靜,彼此鼓勵祝福。

最後,六人對前線醫護人員、醫學專家、服務行業人士同全體市民喺抗疫上嘅付出表達感謝同祝福,又祝福疫苗研成,經濟復甦,民生協和,社會能早日回復正常嘅生活秩序。

第一手消息請下載on.cc東網iPhone/iPad/Android/Windows Phone Apps