政情：重用搓手液樽 沈祖堯教抗疫綠招
最新一波疫情爆發，確診人數不斷上升，環境局局長黃錦星近日就喺Facebook上載咗段片，片中主角係環境運動委員會主席沈祖堯，佢就教大家抗疫「綠」招保護自己，同時保護環境。
沈祖堯提到抗疫最重要喺保持雙手清潔，千萬唔好周圍摸，唔好捽眼、摸口鼻、掂頭髮，唔係就會好容易感染病毒同埋細菌，而肉眼係睇唔到啲病毒，所以最緊要係勤洗手，搵唔到地方洗手就用隨身攜帶嘅酒精搓手液。
濕紙巾難分解 少用為妙
但每人每星期用一至兩支搓手液，好快就會製造過百萬支塑膠垃圾，建議大家用完之後自行補充酒精，咁就可以重用膠樽，減少塑膠垃圾。佢仲提醒市民盡可能減少使用消毒濕紙巾，因為大部分濕紙巾內含膠質，難以分解，所以少用為妙咁話。