政情：立會保安阻記者旁聽

話說當時有記者打算進入會議室，遭一名喺會議室1門口值勤嘅保安拒絕，另一記者則上前質疑，問點解拒絕記者入內旁聽，該保安就話文字記者有需要先至可以進入，更稱要了解記者席座位是否足夠。結果要幾經交涉，記者先得以進入會議室1。

秘書處稱已盡快安排座席

立法會秘書處後來回應話，保安人員尋日喺內務委員會舉行會議期間，喺會議室內外值勤。當有記者要求進入，坐喺記者席嘅保安人員已即時離座，並盡快安排座位予傳媒代表，又強調秘書處一向尊重傳媒代表嘅工作咁話。