政情：公民講場：電梯扶手勁邋遢 劉利群咪卸責

公眾設施睇落乾淨，其實係好邋遢。有研究發現，中西區幾個街市嘅電梯扶手表面布滿細菌，含菌量竟然較家用廁所板高逾百倍，情況相當駭人。食物環境衞生署回應話，已安排承辦商加強電梯扶手嘅清潔同消毒，同埋喺街市範圍內放置消毒搓手液供市民使用，不過有政黨批評，指政府舊年進行類似檢測之後亦未見改善，加上香港面臨疫情，加密消毒次數都不足以應付情況，政府必須訂立電梯扶手含菌量嘅標準，以便定期檢驗以監察清潔程度。照咁講，食環署署長劉利群真係要落力啲至得喇，否則街市嘅海量細菌同新冠肺炎病毒雙重夾擊，香港嘅公共衞生就雪上加霜。