政情：有相為證：泛民吉牌陣報到 內會一開即被掃

早前民主派議員拖延內務委員會選出正副主席，搞到內會停擺逾半年，而選出正副主席之後，一眾民主派議員則玩杯葛，集體缺席內會以作抵制。雖然人唔在席，不過每次內會開會，抗議標語都會擺滿民主派議員嘅枱面。尋日民主派照樣缺席立法會內務委員會，不過今次所擺放嘅，係空白嘅便利貼同紙牌，當係無聲抗議咁話。