新冠肺炎疫情不但危及打工仔嘅飯碗，就連球員都可能要提早掛靴。自從政府早年推行地區球會後，每支地區球隊每季只得百幾萬資助，其他使費就要由贊助商提供，點知今年因為疫情，贊助商嘅資金出現問題，其中和富大埔同埋佳聯元朗兩支地區球隊仲因此決定退出港超聯添！其實香港足球早已今非昔比，依家有球隊退出，港超聯就更係雪上加霜。作為民政事務局局長嘅徐英偉，係咪應該要特事特辦，諗吓計去拆局呢？
