政情：公民講場：談學生罷課 吳得掂亂噏

一批港大學生近日成立罷課委員會，準備發動罷課以表達對港大校務委員會主席李國章嘅不滿。教育局局長吳克儉（吳得掂）尋日回應事件時又爆金句，佢一方面話尊重學生表達意見嘅權利，希望佢哋嘅行動要合情同合法，另一方面佢咁話近期天氣轉凍，叫學生首先要注意身體，認真九唔搭八！其實學生罷課只要唔返學就得，不一定要喺戶外集會食風，就算舉行戶外集會，只要夠多人就一定好熱鬧同和暖。唔通吳得掂係預視到今次罷課唔會有好多學生參與，集會場面會非常冷清？如果真係咁，我哋就怪錯咗佢喇。