政情：公民講場：貝鈞奇擬製黑名單 篩走噓國歌球迷

雖然香港球迷都比較斯文，不過近年屢有發生嘅「噓國歌」亂象，香港足球總會就非常頭痛！儘管係有部分球迷對國歌唔尊重，但受到國際足協懲罰嘅，反而係足總！日前三讀通過嘅《國歌條例草案》，有望對侮辱國歌嘅行為能有所阻嚇，不過足總主席貝鈞奇，聲言要考慮引入外國球會嘅「黑名單」制度，制止喺球場不守法例、噓國歌嘅滋事球迷進場觀賽，藉此杜絕麻煩友，同保障足總唔會再收到國際足協嘅罰單咁話。