Soyon韓流新星「胸」降日本

日本寫真界一向人才輩出,有本地薑也有混血兒,所以好少會出現外國勢力。不過,最近就有位外國女優成功喺當地寫真界發圍,仲被封為「寫真界超新星」,佢就係正宗韓國妹Soyon喇!

樣子清純 身材驕人

鍾意睇韓劇、聽K-pop嘅觀眾,相信都會感受到韓國妹嘅魅力,尤其係每次出騷時,總係換上超短熱褲或迷你裙,配合埋不斷自摸、挺胸翹臀嘅舞姿,真係勁誘惑,難怪韓國潮流文化喺呢十年八年能夠席捲全世界。喺日本,韓流嘅影響力都唔細,好似AV女優小倉由菜為咗呃Like,就喺自己嘅視訊頻道教大家韓文,而最近投身日本寫真界嘅Soyon亦有咁做。現年25歲嘅Soyon,氣質清純,個樣好稚嫩,睇落同十幾歲嘅少女差唔多,但身材就發育得相當成熟,身高有5呎4吋,以日本寫真女優嘅標準嚟講算係幾高,三圍數字亦都唔失禮,為34-24-35,胸前有一對好有質感嘅天然F奶,加埋一身嫩白美肌,實在非常吸睛!

努力減肥 紅得有理

Soyon自細就喺東京生活,但因為父母都係韓國人,所以對韓語同韓國文化好熟悉!早前,阿妹就喺YouTube開咗個頻道介紹韓式食物同教授韓文,仲教大家做運動Keep Fit添。原來喺2月份為「週刊YOUNG JUMP」擔任模特兒嘅Soyon,最近開始拍攝水着寫真,但佢一直對自己嘅身材唔太滿意,所以自從決定行性感路線,每日都會準時做運動,仲會將過程拍低畀經理人睇。另外,阿妹仲好小心飲食,謝絕一切零食之餘,每日下午6點後唔會再食嘢,仲日日飲水兩公升,目的係幫身體更順利排出毒素同廢物,令皮膚變得更加靚。咁努力操弗自己嚟拍寫真,淨係呢一點都已經非常抵讚,被封為「寫真界超新星」絕對係有迹可尋!

社交網站

Soyon會經常喺社交網上載自拍照,雖然未必一定好性感,但係可以見到阿妹嘅清麗脫俗,同樣令人精神為之一振。

網址:https://twitter.com/soyon_1231

Soyon

年齡:25歲

身高:5呎4吋

三圍:34-24-35

撰文:賢