受到疫情影響，依家全港學校停課，但教育局就收到逾五百間幼稚園喺疫下申請加學費，呢批學校佔咗整體幼稚園五成以上o架！老實講，喺呢個咁惡劣嘅環境，亦有幼稚園捱唔住結業，唔加學費又撐唔到，但依家嘅經濟環境咁差，班家長份工都未必保得住，再加學費就令佢哋百上加斤，針冇兩頭利，局長楊潤雄點取捨呢？唔該佢唔好歎慢板，快啲諗吓辦法點幫啲學校同家長嘞！
