咪以為四仔脫星只係識得賣弄身材及床技，憑住女人味都可以獲得超高人氣，好似嚟自意大利嘅Valentina Nappi就憑住獨有嘅意大利式女人味俘虜一眾四仔迷嘅歡心，就連女粉絲都被佢嘅魅力深深吸引！
如果有留意各國美女嘅話，會發現意大利女性擁有一種獨特女人味，呢種魅力令男士難以抗拒，故此嚟自意大利嘅Valentina Nappi，女人味真係濃到不得了！喺意大利南部城市斯卡法蒂出生嘅佢，早年從事成人模特兒工作，憑住一對35D巨乳，加上迷人嘅樣貌同氣質而獲得極高人氣。喺一次偶然嘅機會下，佢認識咗意大利著名成人電影導演兼演員嘅Rocco Siffredi，從此展開四仔脫星生涯。不過佢相當好學，一邊拍四仔一邊修讀藝術及設計課程，同時亦兼職做裸模，日子過得很充實。
及後佢離開意大利，以過江龍身份進軍美國四仔界，憑住獨特氣質及玲瓏浮凸嘅身材，加上令人着迷嘅女人味而成功打響名堂，為四仔廠Evil Angel演出嘅作品《Christoph's Anal Attraction》，不但獲得極佳銷量，更成為E廠其中一個暢銷系列作。唔少美國四仔迷都大讚佢魅力沒法擋，加上火辣嘅演出，對佢鍾情不已，自此之後佢喺四仔界佔有一席位。
隨住人氣愈來愈高，Valentina Nappi除咗拍四仔，亦為多本男士雜誌拍攝寫真，又喺網絡成人節目做嘉賓，同粉絲互動及玩遊戲。由於接觸四仔迷嘅機會多咗，唔少人發覺佢同好多脫星唔同，其中一個就係佢嘅知識水平相當高，人生哲理亦與別唔同。因為喺大部分人眼中脫星只係賣弄身材同床技，所以認為佢哋嘅文化水平高極有限，不過對於Valentina Nappi嚟講就大錯特錯喇！原來佢喺大學時已經醉心研究男女關係嘅社會文化議題，並且發表過幾篇同現代社會男女相處嘅論文，另外佢仲參加過哲學研討會，討論現代男女嘅價值觀，更喺雜誌撰寫專欄，試問大家又點估得到佢竟然會有咁高嘅學術水平呢？
Valentina Nappi有樣貌又有智慧，唔知佢最鍾意做邊種工作呢？原來唔係脫星亦非作家，而係希望能夠成為一位潮流產品設計師，除咗因為佢修讀過設計外，亦因為佢具有潮流觸覺，希望未來能夠打造個人潮流品牌，係商界大展拳腳。
Valentina Nappi為咗回報粉絲嘅支持，經常喺Twitter分享四仔新作嘅精彩片段，仲不定期發放超火辣福利照，兼同粉絲玩問答遊戲，單係呢種同粉絲嘅互動，就已經冧爆啦！
網址：https://twitter.com/valenappi
出生日期：1990年11月6日
身高：164cm
三圍：35D-24-36
撰文：魂