政情：公民講場：N宗罪上身羅崇文走唔甩

民航處處長羅崇文自前年被東方報業集團獨家踢爆治下嘅民航處連串大花筒及管理不善醜聞後，先後引起審計署及立法會關注並跟進調查。而立法會政府帳目委員會繼早前「痛斥」羅崇文擅自更改民航處新總部大樓規劃後，尋日再發表補充報告。除咗再度「痛斥」羅崇文，更極罕有咁「強烈譴責」佢公然疏忽職守，無徹底審查空管系統合約。有帳委會成員更形容措詞之嚴重係近年首見，非同小可。羅崇文「N宗罪」上身，實在罄竹難書，理應革職查辦，相信公務員事務局亦唔會咁易放過佢！