政情：不滿請願被打斷 鍾國斌同警員理論

指應及早提醒勿逾4人聚集

話說當時負責維持秩序嘅一位警長，見到Felix同班業界人士喺政總門外請願期間，聚集同發言嘅人數超過四人，於是發出口頭警告，勸喻佢哋企開啲，聚集唔好多過四個人，又提醒喺現場採訪嘅傳媒都要注意，因此一度打斷請願，但好快又到番Felix發言。

請願結束後，Felix隨即上前同嗰位警長理論，認為對方應一早同佢講唔好多過四個人聚集，警長聽到就話較早前已提醒咗參與請願嘅代表，話聚集唔好超過四個人，請Felix合作，又話多謝Felix嘅建議。