陽光令人心情開朗又充滿正能量，喺家陣疫情嚴峻嘅時期，大家就更加需要多啲陽光，不妨可以搵充滿陽光活力嘅前賽車王后藤木由貴幫手，見到佢燦爛嘅笑容即刻醒神晒！
喺日本不論係寫真界定AV界，女優嘅身材都有走向極端化嘅趨勢，一係個胸巨型到有啲唔自然，一係就Pat Pat大到連飛機位都坐唔落，如果好似藤木由貴咁身材勻稱，加埋天使般嘅美貌，相信大家應該會覺得更吸引。
雖然由貴已經年屆30歲，但係面孔依然好似十零歲嘅少女咁可愛，最重要係充滿陽光氣息，令人精神一振。2015年佢喺賽車場出道，憑住燦爛甜美笑容及高顏值，而獲得「史上最可愛賽車女郎」稱號。而由貴令人覺得吸引之處，亦在於身材弗爆，美乳大小適中，配合腰幼及渾圓美股，養眼得嚟又予人一種順眼感覺。
由貴曾經做過糕點師，仲識得唱歌同彈結他，認真多才多藝。當佢成為賽車女郎之後，先後用過加藤由貴以及藤波由貴作為藝名，直至2015年才改用現時藝名。出道以來可謂榮譽一身，連續5次參加「日本賽車女王大獎」都奪得冠軍，故有「5冠賽車女王」之稱，可以話威震業界。
2018年由貴告別賽車王后界，以寫真女郎及演員身份發展，除咗經常出席電視台節目，亦有拍劇，作品包括《行動心理捜査官・楯岡繪麻》。近年佢嘅人氣愈來愈高，仲紅到返家鄉沼津市，最近就喺沼津市長嘅委任之下，第二年成為當地傳統手藝沼津垣嘅宣傳大使啦！
簡介：藤木由貴經常將自己嘅最新消息放上社交網，同時會上載好多照片，當中見到佢燦爛又充滿陽光感嘅笑容，睇完包你精神煥發。
網址：https://twitter.com/yukichii927
年齡：30歲
身高：5呎3吋
三圍：32C-24-33
撰文：賢