政情：今日你上鏡：摔跤耍纓槍 陳岳鵬去四川習武
政制及內地事務局前副局長陳岳鵬（圖左）最近去咗四川，見佢唔單止摔跤，又耍纓槍，唔通佢係去拜師學藝，想打好武術根柢？
話日日都食火鍋
陳岳鵬日前喺Facebook上載咗四川之行，都去咗好多地方，其中有短片同幾張相就係佢摔跤同耍纓槍，摔跤嘅技術就比較差勁，對手郁幾下就撻咗佢落地，然而耍纓槍都有幾分功架。原來佢係出差去睇「四川香港馬會奧林匹克運動學校」，嗰度係訓練運動員o架！佢仲話係喺賽馬會做咗行政經理後，經常去四川出差。有網友仲留言叫佢學食火鍋，而佢就話日日都食火鍋。睇嚟佢好食得辣喎。
（互聯網）