政情：批茶敍嘥時間兼離地任葆琳請政府食檸檬

安撫退休及落選區議員

究竟咩事令到Pauline咁嬲，原來佢喺茶敍當日已安排離港，但因為仍希望透過茶敍同政府誠心交流，所以曾經致電負責有關安排嘅民政事務總署去查問詳情，但回覆嘅職員就一無所知咁，結果佢要等睇到報道先知茶敍係為慰勞將退休同落選嘅區議員。而喺上月區議會選舉落敗嘅Pauline就認為此目的係完全嘥時間喇。

其實政府喺九月都舉行過區議員對話會，Pauline一樣鬧爆嗰次安排，批評該次對話會得三十八名議員被抽中發言，質疑如當局決定用抽籤形式畀議員發言，點解唔事先通知，先安排抽籤，再叫被抽中嘅議員去，咁就唔使嘥時間咁話。