政情：酒樓電視唔准轉台 黃傑龍要耍冧

播蜥蜴食蟲畫面 惹食客不滿

當事人龍先生話喺酒樓食飯時，電視一直播放蜥蜴食蟲嘅畫面，仲持續好耐，覺得好唔開胃，佢要求員工轉台時，員工竟然答佢「公司規定唔准轉台」。由於酒樓有好多部電視機，佢就算調去邊個位都會睇到電視畫面，所以繼續追問可唔可以轉台，但員工就答佢「如果個個人都要轉台，我哋咪好忙？」，龍先生嬲到喺社交網發文鬧酒樓員工。

Simon得悉後，向顧客道歉同解釋當中因由。佢話唔准轉台又唔係錯得晒嘅，因為飲食業過去賭博風氣較盛，每逢賽馬日都會有同事掛住睇電視而唔做嘢，所以當時酒樓為咗禁止員工睇賽馬，就唔准轉去有賽馬節目嘅電視台。自此以後，酒樓就出現「公司唔准轉台」嘅規定喇。呢件事之後，現時酒樓電視會播放唔同嘅節目。