政情：半山地段租金貴 任嘉兒擔心剝削議助

做住「無殼蝸牛」先

Camille話佢個選區比較大，由半山橫跨到薄扶林道遊樂場，仲包括埋香港大學同龍虎山，所以本身已經好難搵地方做議辦。佢都有搵過附近嘅舖位，般咸道舖租就要三、四萬元，落一條街到高街，就要四萬元左右，大呻唔止自己選區特別貴，連成個中西區都好貴，所以依家要做住「無殼蝸牛」先喇。

其實都唔止Camille搵唔到舖位，幾名中西區候任區議員都同樣搵唔到。佢哋都話依家區議員實報實銷開支每月四萬多元，如果租咗個舖位，扣除租金之後已經要請少一個全職議員助理，擔心影響日後議政，所以希望政府可以再檢討區議員酬津安排，認為租金同議員人工應該分開處理喎。