中環出更：周圍立立亂 蔣麗芸青年聆聽會冇影

阿Ann搞嘅聆聽會全名叫「青年心聲聆聽會」，邀請年輕人分享佢哋嘅想法同願景，而阿Ann更強調一定會聆聽年輕人嘅聲音同跟進喎。佢仲話政府推動嘅「對話文化」值得響應，務求關心青年，了解青年訴求，可以直接推動特首同官員跟進。

撞正宣布禁蒙面法實施

之不過，聆聽會冇咗影喎。係少人報名搞唔成，抑或有其他原因？原來因為舉行聆聽會嗰日，咁啱撞正政府宣布當晚實施禁蒙面法，嗰晚全港周圍都打到立立亂，所以惟有延期啦！

阿Ann就話本身打算喺金鐘立法會嘅辦公室搞聆聽會，仲抽咗大約三十個報咗名嘅人士參加，由於時間有限，所以唔可以預太多人，有啲人報咗名都無得嚟喎。咁個聆聽會延期到幾時先開呢？暫時未有詳情。

卓妮