中環出更：陳凱欣澄清無同陳肇始不和

話昔日做政助 兩人少有拗撬

問番陳凱欣係咪真有此事？佢就大嗌冤枉，話呢個傳聞其實傳咗好耐，兩人性格完全唔同，之前喺局內同陳肇始都有分工，好少重疊，例如佢做嘢比較快，同埋對外多，對方就做對內嘅，好似吸煙、乳癌研究，因為各自負責嘅嘢唔同，其實好少有拗撬。

之後由政助轉做議員，第一個問題就關於醫療嘢，有人話佢炮轟陳肇始，但佢就澄清話真係只係針對政策，完全冇對人o架，只係佢做開宣傳，背景又係傳媒，有時可能會覺得「嘩，咁舊o架啲橋」。佢又話，同前食衞局局長高永文都有嘈過，對方仲話佢係頂心杉添，皆因佢覺得唔啱point就會主動講喎。

卓妮