政情：麥美娟自爆後生好寸 依家收斂咗

靠居民團結 成功爭取

Alice喺條片入面回憶呢廿年來做過嘅嘢，好似爭取開辦四○九專線小巴、喺青敬路起行人路上蓋、阻止發展商喺青衣城隔籬嘅巴士站起屏風樓，以及令政府收回偉景花園與聖公會青衣邨何澤芸小學之間小路嘅管理權等等。

佢話，每一次要爭取任何事情，都一定會搵埋班街坊一齊參與，靠居民團結先至可以成事喎。

佢又話，大學一畢業就出嚟做區議員，當年都冇諗過，一做就做咗成廿幾年，自己同人拗、同人爭取嘅性格就無得改，但依家就無咁「寸」囉，自爆後生又真係寸啲嘅。

睇佢一路講一路笑，唔知係咪諗起啲寸親人嘅經歷呢？