政情：無冷氣夜 岑智明熱到唱 《夏日熱辣辣》

跟福頭老師學唱

有「香港搖滾歌姬」之稱嘅福頭老師當年邊彈結他邊唱《夏日熱辣辣》嘅畫面，相信唔少九十後都歷歷在目。岑智明今次就跟福頭老師學唱佢嘅飲歌，同四位同學仔一齊錄製一首完整版嘅《夏日熱辣辣—無冷氣版》。點解係無冷氣版？原來今次係第十屆「無冷氣夜」嘅活動嚟。咁熱都唔開冷氣瞓，唔怪得會熱到唱歌喇！

岑智明話錄音超順利，幫佢哋錄音嘅錄音師王醒陶先生，原來仲幫過佢偶像陳百強作曲同錄過音添！在場仲有隻好可愛好瘦嘅「北極熊」，睇嚟如果大家想北極熊肥肥白白、健健康康嘅話，就要開少啲冷氣，紓緩全球暖化啦！