政情：八網難逃：鍾樹根恤靚髮 撇低老婆去睇女

話說樹根喺Facebook 上載咗幾張相，見佢剪咗一頭靚髮，背後仲有一班靚女，仲話今晚睇靚女添！有網友即時留言話「眼看手勿動」，仲有網友直指「你曳曳啦！有無帶埋事頭婆去？」提到事頭婆，樹根一啲都唔驚，仲話「拒絕她監管！」真大膽。

上台頒獎畀佳麗

其實嗰晚係2019亞洲太平洋國際小姐選舉，大會邀請咗好多城中名人做評審同頒獎嘉賓，而樹根都喺被邀之列。咁即係攞正牌睇靚女囉！

雖然樹根冇做議員，但好多人仍然想佢重出江湖，好似日前佢喺Facebook留言話有時間都歎吓普洱同整吓盆景，有網民就提起近排社會動盪，佢即刻話：「只談風月。」睇嚟佢真係唔想再捲入政治是非喎。