政情：民主派唔心息 再要求黃大仙大會加議程

黃大仙區議會秘書處早前以書面傳閱，徵詢各區議員對係咪同意召開特別會議嘅意願，秘書處尋日將結果通知議員，指十位議員同意出席、十四位議員不同意出席、一名議員未答覆，並指主席李德康經考慮後，決定暫不召開特別會議。

倘無功 施德來：會有進一步行動

對於有關結果，九名民主派區議員隨即聯署，去信區議會要求喺九月十日嘅大會加入有關議題，其中區議員施德來強調，若果連有關事項都未能加入大會議程，即代表建制派幫政府護航，若果屆時確實未能喺大會討論，會有進一步行動。