政情：公民講場：紓困措施大細超 的士業求資助入氣

受到反修訂遊行嘅衝擊，好多行業都叫苦連天，尋日有的士司機請願，批評財爺陳茂波（波叔）早前推出多項紓解民困措施。當中包括「豁免已登記商用車輛牌照及驗車費用」只能幫助車主減少負擔，對前線的士司機毫無幫助，要求政府免費資助全港的士司機入石油氣，為期一個月。外界已批評波叔推出嘅措施小恩小惠，但明顯嘅係波叔冇顧及前線員工嘅苦況，即係大細超啫！唔該佢唔好齋噏話睇住失業情況，快啲加碼支援。