政情：驚被罷免議席？邵家臻稱在囚仍工作

邵家臻喺獄中撰文自稱在囚議員，直言監察政府施政係佢嘅本分之一，被囚錮都唔係偷懶理由。佢話，在囚呢段時間，仍然會收到囚友查詢，有時更係囚友直接求助，形容情況好似喺立法會申訴部見市民一樣，做到就盡做。

自言對投訴嘅態度正面

邵仲講到，自己對投訴嘅態度係正面，相信投訴有助建立良好制度，聽到有人話香港係投訴之都、投訴會破壞社會和諧等，佢都會盡量澄清，仲話如果視投訴為負面，申訴專員公署只會神憎鬼厭，投訴人都變成狠角色喎。

文章最尾講到，聽聞明年就係懲教署一百周年，佢建議懲教署離開安舒區同申訴專員公署合作，實行要正面睇投訴，共建好制度咁話。