墟市能夠為基層帶來自力更生嘅機會，市民亦都享受到趁墟嘅熱鬧，偏偏香港嘅墟市政策一直毫無寸進、原地踏步。有團體早前進行訪問，了解油尖旺、東涌同深水埗居民對設立墟市嘅意見，發現有八成八至九成五嘅受訪者支持區內設立墟市，以售賣乾貨或熟食為主。其實數字非常一面倒，而且墟市問題已討論多時，偏偏食物及衞生局局長陳肇始唔多覺有回應，唔通佢驚影響店舖生意，諗住唔做唔錯、以不變應萬變？
