政情：公民講場：張建宗掌舵搵笨 青發委與老年同行？

政府承認青年工作做得差，話會大幅改組青年發展委員會。點樣改組未有框架，但有委員就批評青發委成員嘅年齡唔貼近青年，好似同老人成行咁。老實講，政府當初決定由政務司司長張建宗做青發委主席根本就係錯誤嘅開始，就算套入勞福局局長羅致光話一百二十歲先叫長者嘅話，六十八歲嘅張建宗都已屆中年喇，點可能貼近青年嘅想法？試問青發委由一個逾六十歲嘅「青年」嚟領導，簡直係大纜都扯唔埋。