政情：話撐愛妻表演樹根放飛機

黃定光狂掃貨品，收穫多到大叫「無力挽」。

其實都難怪樹根無靚湯飲，事關鍾太前日喺尖沙咀星光大道表演唱歌，樹根本來答應撐場，仲話會幫手做攝影師添，點知樹根為咗去呂良偉生日會，竟然放飛機甩底，令鍾太大失所望。不過，作為背後嘅女人，鍾太都坦言話明白樹根好忙，以後會煲多啲靚湯畀佢補身。

• 鍾樹根（右）帶埋太太逛工展會，兩人全程大晒恩愛。（溫國佳攝）

黃定光工展買鮑魚麵

雖然樹根口講話「呷醋」，但佢兩公婆不知幾恩愛，樹根全程傍實太太，一見到社企有賣飾物同髮夾，就即刻買咗五隻送畀太太。樹根黨友黃定光亦大手入貨，購買大袋鮑魚麵、麵包粉及健康食品，收穫多到大叫「無力挽」喇！