政情：筋膜炎發作 葉建源：唔關教書事
返工長期維持固定動作，好容易會搞到有職業病，好似教師成日要企，又要長期講嘢，久而久之都會有唔少職業病纏身。曾任立法會議員的葉建源最近行路一拐拐，唔通又係因教書時企得多所致？
起初痛到行都有困難
葉建源就話近日自己出現筋膜炎，起初痛到行都有困難，但食咗幾日藥後已經行得接近正常步速，聽落好似進展良好喇！佢都話唔知出現筋膜炎原因係咩，今次亦非首次出現，但佢就話唔好賴教書，事關已經放下教鞭多年，腳痛唔關教書事囉。不過，佢近期因筋膜炎同其他教書朋友交流，先發現唔少教師都有呢個問題，有啲更係好後生添！睇嚟筋膜炎係唔少教師面對嘅問題喎。