政情：再訪心光 郭炳聯「樂」此不疲

欣賞視障生才華

Raymond尋日再次踏足心光，班學生就表演中國鼓同唱歌，其中一位失明及輕度智障嘅中三男生劉亦強就用鋼琴彈奏日本動畫《龍貓》嘅主題曲，又自彈自唱意大利民歌《我的太陽》。劉亦強雖然睇唔到嘢，但係就有「過耳不忘」嘅天賦，一首樂曲只要聽過一次就會記得，真係認真犀利。

Raymond盛讚劉亦強係天才，當佢知道亦強想做音樂家後，就決心要幫呢班學生。Raymond又話，其實好多年前聽到心光學生唱歌已經覺得「好好聽，好有feel」，希望佢哋可以發展音樂才能，喺將來離開學校之後，都可以有好好嘅職業咁話。