組成人數不足
原定《2019年宣布增加退休金公告》及《2019年孤寡撫恤金（增加）公告》小組委員會今日開會，但秘書處就通知首次會議取消，因為截至限期只有議員郭家麒一人加入，不符合《內務守則》不少於三人嘅規定囉。
而上述會議並非孤例，好似上周有一個與區議會相關嘅小組委員會，同樣只得一人加入而取消，今個月初就有《2019年商品說明條例（修訂附表1）公告》小組委員會開唔成，但當時有兩名議員加入，已經算係較好o架喇。
其實立法會近期因《逃犯條例》而戰火四起，早前為阻法案委員會，泛民先不停提出成立小組委員會，希望搶人同搶時間開會，但隨住現時直上大會，呢招已經無用，難怪連加入都慳番喇！