政情：嫌開會少嘢傾 譚文豪促加議程

倡議員作多次發言

其實，議員譚文豪喺會議開首就話，呢個委員會嘅絕大部分議程可以好快討論完畢，好多時未夠鐘已經完成討論，或者議員可以作三、四輪發言，所以認為可以善用時間安排三個議程，仲可以清理一下待議事項咁話，而呢個意見更喺上一個立法年度提出過添！

尋日嘅會議似乎印證咗譚文豪呢個睇法，事關會議早咗廿分鐘完結，仲未計中途因為同時間有三個會議進行，事務委員會主席范國威要參加其他會議發言而有七分鐘休會。換言之即係仲有大約半粒鐘剩低。

有見及此，范國威喺會議尾聲嘅時候都同政府講，呢個委員會的確有機會處理到三個議程，只要政府交文件配合就做到，因為議程係根據政府所提交嘅文件去決定，希望公務員事務局未來考慮下喎。