局長月薪34萬
至於人工方面，喺一九至二○年度，局方已為局長、副局長同埋局長政治助理分別預留咗四百零八萬元、三百零六萬元同埋一百四十三萬元。月薪除番開嘅話，局長預留三十四萬元、副局長就二十五萬五千元、而局長政治助理就係十一萬九千元。局方同時亦有預留強積金供款嘅撥款額，各職級均為一萬八千元。
局長獲免費提供一輛汽車同埋一名司機，副局長同政助就冇喇，但佢哋都可以用政府車輛，要遵守相類職級公務員嘅規則，而佢哋同埋家屬都可以同樣享有醫療同埋牙科福利。
不過，局方就冇為一九至二○年度嘅度假旅費津貼、定期津貼、工作津貼、公務員公積金計劃供款同保安安排方面預留撥款，唔知呢筆又要使幾多公帑呢？