商務及經濟發展局喺一月發表諮詢文件，建議就美容或健身服務合約設立冷靜期，諮詢期喺本月十六日結束，然而消委會尋日就點名批評四間健身中心嘅經營手法，包括用「購買禮券作支付健身會籍」。擺明係想走法律罅，逃避法律責任啫，真係道高一尺，魔高一丈，對呢啲不良銷售手法，政府封極都封唔掂，唔少議員已要求政府研究立法封埋呢啲灰色地帶，政府係咪有心保障消費者權益，就要睇吓局長邱騰華係咪有心做嘞，咪側側膊呀！
